Vemendje

Te dashur vellezer dhe motra ju bejm thirrje qe te beni kujdes po egziston nje fushat e pa zakont ne internet per donacione mbi fatkeqesin e ndodhur sot ne Shqiperi gjejm rastin dhe momenti qe te ju informojm beni kujdes nga mashtrimet sepse shum fondacione jan krijuar thjesht dhe vetem ne rrjetet sociale. Ju lutemi kur te vendosi qe te dhuroni nje shum sado te vogel dhurojeni ne donacione serjoze.

Numri i Emergjencave Civile është 112
Policia e shtetit 129
Zjarrfikesja 1282
Urgjenca 127

Spitali Hygeia, Continental dhe Spitali Amerikan ofrojnë shërbime shëndetsore FALAS
Kontakti: 0697004000 (Continental) dhe 042390000 (Hygeia)

Bashkia Tirane: Qendrat Sociale ne TR jane hapur 24/7 per strehim e ushqim:

Shkoze
Kombinat
Zogu i Pare
5 Maji
Lanabregas

Mund ti drejtoheni Qendres qe eshte me afer vendbanimit tuaj ose te kerkoni ndihme per transport ne nr. e gjelber 0800 0888🇦🇱🇦🇱🇦🇱

              🇦🇱 Bletaria_Shqiptare 🇦🇱
                     Copyright © 2019

Natyral apo Fallco??

Shumë njerëz nuk i kuptojnë arsyet që qëndrojnë pas hollimit apo dendësisë së tepruar të mjaltit. Disa njerëz janë të mendimit se mjalti i trashë është i papërpunuar, ndërsa mjalti i hollë është përpunuar në ngrohje dhe mund të mos jetë cilësor. Mjalti artizanal puro nuk është gjithnjë më i trashë se mjalti i përpunuar. Mjalti i ngrohtë mund të jetë më i lëngshëm, por gjithsesi kur ftohet ai arrin të kthehet në dendësinë e mëparshme. Rrjedhimisht, dendësia nuk është mënyra e vetme për të vërtetuar nëse mjalti është puro ose i pasterizuar. Trashësia e mjaltit varet nga burimi i nektarit. Pikë së pari, mjalti ndikohet nga vendi, moti, lagështia, reshjet, toka dhe ambienti. Së dyti, lloji i luleve ka një rol përcaktues në trashësinë e mjaltit. Disa lloje të mjaltit me bazë lule nga vende të ndryshme të botës janë më të trashë në krahasim me të tjerët. Për shembull, mjalti i akacias është më i lëngshëm se llojet e tjera. Disa lloje të mjaltit të luleve kanë tendencën të kristalizohen më shpejt se të tjerët dhe temperaturat e ftohta e përshpejtojnë këtë proces, veçanërisht ato nën 10 gradë Celcius. Në klima të ngrohta, ku temperaturat arrijnë mbi 30 gradë Celcius, mjalti qëndron i lëngshëm për shumë kohë. Nëse mjalti ka formuar kokrra atëherë vendoseni kavanozin me mjaltë në një enë me ujë të ngrohtë në temperaturë 30-35 gradë Celcius. Një tjetër arsye që e bën mjaltin të hollohet më tepër seç duhet është grumbullimi i tij nga hojet në një kohë të papërshtatshme. Bletët i përplasin krahët e tyre në koshere për të inkurajuar avullimin e ujit deri sa mjalti të bëhet më i përqendruar dhe më pas i mbulojnë hojet me dyll. Nëse mjalti mblidhet përpara avullimit të plotë të ujit, atëherë përmbajtja e lagështisë do të jetë e lartë. Ndaj, mjalti i hollë e i lëngshëm nuk është gjithnjë tregues i falsifikimit ose i sheqerosjes. Kjo do të thotë se dendësia e mjaltit nuk duhet të jetë gjithnjë vendimtare për pastërtinë ose cilësinë e mjaltit. Bakteret e kanë të pamundur të riprodhohen tek mjalti falë përbërjes së tij, ndaj natyrshëm lind pyetja përse kompanitë e mëdha e pasterizojnë mjaltin? Pasterizimi është më shumë një çështje marketingu. Disa lloje të mjaltit kristalizohen më shpejt dhe një gjë të tillë konsumatorët e perceptojnë si defekt. Pasterizimi vonon kristalizimin dhe ruan paraqitjen e këndshme të mjaltit të reklamuar nëpër rafte. Prodhuesit artizanalë të mjaltit në Shqipëri habiten gjithnjë kur i pyet nëse mjalti është puro apo i pasterizuar. Habia qëndron në faktin se mjalti nuk ka nevojë të pasterizohet.
               🇦🇱 Bletaria_Shqiptare 🇦🇱
                      Copyright © 2019

Mjalti dhe kristalizimi

Janë të pakta ushqimet që janë aq të shëndetshme dhe të shijshme si mjalti. E megjithatë, për shkak të skandaleve për mjaltin e fallco apo të filtruar, shumë njerëz ngurrojnë ta blejnë. Apo nuk dinë ta dallojnë mjaltin e vërtetë.

Për mjaltin duhet të dini disa fakte mjaft të rëndësishme:

1. Mjalti i cili nuk përmban polen nuk duhet domosdo të jetë shumë i filtruar (arsyeja kryesore e filtrimit të mjaltit është largimi i polenit sepse në këtë mënyrë nuk ka mundësi të vërtetohet prejardhja e mjaltit të caktuar).

2. Kristalizimi i mjaltit nuk është fenomen negativ por pozitiv, por për shkak të shijes së konsumatorëve, shumë prodhues e filtrojnë dhe përpunojnë mjaltin që ai të mbetët në gjendje të lëngët. Mjalti i cili kristalizohet është në të vërtetë mjaltë natyral.

3. Forma e zakonshme e filtrimit industrial është shtimi i dheut dyatomik, pra pluhuri i shkëmbinjve të sedimentuar. Pastaj nga mjalti filtrohet edhe ky pluhur edhe grimcat tjera, siç janë krahët e bletëve, dylli dhe pluhuri. Qëllimi i kësaj procedure është të fitohet mjalti i kthjellët i lëngshëm të cilin e duan konsumatorët.

4. Vetëm pse mjalti vjen nga Kina nuk do të thotë që është i kualitetit të dobët.

5. E megjithatë, më së miri është ta blini mjaltin nga bletarët që janë nga rrethi juaj. Mjalti vendor organik është zgjedhja më e mirë. Mjalti i tillë kualitativ i papasterizuar është përplot vitaminë D, minerale dhe antioksidant tjerë, si dhe enzima mjaft të dobishme.

6. Për dallim prej qumështit dhe lëngjeve natyrale, mjalti nuk ka nevojë të pasterizohet për të qenë i sigurt për t’u konsumuar nga njerëzit. Në mënyrën industriale të mbushjes pasterizimi shfrytëzohet sepse zvogëlon mundësit e fermentimit dhe ndërpret kristalizimin/granulimin. Për t’u pasterizuar mjalti duhet të kalojë ngrohjen në temperaturë deri 71 gradë celsius dhe procedurën pas mbushjes së shpejtë të ftohjes së përshpejtuar. Pasi që e dimë që mjalti nuk preferohet të ngrohet, dhe as nuk lejohet me ligje të BE-së, që gjatë kristalizimit mjalti nuk ngrohet në temperaturë më të lartë se 40 gradë celsius, ndërsa ata që rekomandojnë 45 gradë celsius e më shumë do të duhej të studiojnë vetitë dhe rregulloret për kualitetin e mjaltit.

7. Mjalti ka veti të lehta antibiotike dhe antibakteriale falë një enzimi të cilin e tajitin dhe “përtypin” bletët me nektarin. Ky enzimë krijon peroksidin e hidrogjenit, i cili shkatërron bakteret e dëmshme (në mjaltin e pasterizuar ky enzimë më nuk është i pranishëm). Prandaj edhe vendoset mjalti në plagë dhe vende të inflamuara.

8. Foshnjave(deri në 14 muaj), që akoma nuk kanë të zhvilluar imunitetin, nuk do të duhej t’u jepej mjalti sepse në organizmin e tyre për shkak të mundësisë së pranisë baktereve mund të shkaktojnë botulizmin. Mjalti i pasterizuar, sa i përket sigurisë për ushqyerjen e fëmijëve, nuk është fare më i sigurt se ai i sterizuar. 

       
             🇦🇱 Bletaria_Shqiptare 🇦🇱
                           © 2019

Qumështi i Bletës dhe dobit e ti

Përdorimi i qumështit të bletës po zgjerohet dita ditës, pasi vlerësohet se qumesht i bletës ka veti të jashtëzakonshme për shëndetin.

Qumështi i bletës është ndër më të kërkuarit në botë, pasi është shndërruar në një biznes fitimprurës për bletarët krahas prodhimit të mjaltit, transmeton

Ky qumësht prodhohet nga gjëndrat e bletëve, që shërben për të ushqyer lavrat gjatë tri ditëve para se të ushqejë mbretëreshën.

Ky ushqim e mban mbretëreshën në jetë për 8 vjet, një fakt interesant ky, duke ditur që një bletë e zakonshme, e cila ka lindur nga e njëjta vezë me mbretëreshën, jeton vetëm 21 ditë.

Qumështi i bletës ka ngjyrë të bardhë në të verdhë, është si krem, ka shije të thartë dhe pak aromë dhe përmban ujë, lëndë minerale, yndyrna, proteina, karbohidrate, vitamina etj.

Ai mund të përdoret për kurimin e një sërë sëmundjesh si: hiper-tiroidizëm, diabeti, hiper-kolesterolemi, hiper-trigliceridemi (kolesterol dhe trigliceride të larta), sëmundje të zemrës dhe enëve të gjakut, sëmundje kronike të mushkërive, sëmundje të gojës, probleme me mishrat e dhëmbëve, probleme të fytit, sëmundje të veshkave, artrite reumatoide, probleme me riprodhimin, ndihmon në periudhat e para-menopauzës etj

Ka efekt qetësues dhe çlodhës, ul nivelin e hormoneve të tiroides. Ai është një pastrues fantastik për organizmin nga toksinat.

Ndihmon funksionimin e veshkave, rrit jetëgjatësinë e njerëzve, duke ruajtur rininë e enëve të gjakut. Zgjeron enët e gjakut, ndihmon në uljen e kolesterolit dhe triglicerideve dhe rrit imunitetin.

Ky qumësht ndihmon në formimin e rruazave të kuqe të gjakut, këshillohet në anemi dhe ndihmon në mikro-hemorragji. Në lëkurë, rregullon prodhimin e yndyrës.

Përdoret në kozmetikë, sepse ndihmon në pastrimin dhe rinimin e lëkurës. Përdoret si agjent antibakterial dhe anti-virusal lokal për probleme të ndryshme të lëkurës. Te fëmijët e sapolindur ndihmon në rritjen në peshë.

Qumështi i bletës, nxit gjëndrat riprodhuese, ndihmon prodhimin e vezoreve, gjatë shtatzënisë, duke rritur nivelin e progesteronit në gjak.

Rrit nivelin e testosteronit në gjak, duke ndihmuar në problemet e potencës mashkullore. Stimulon gjëndrat mbi-veshkore dhe ndihmon në sëmundje si artriti ose lodhja kronike.

Ndihmon në funksionimin e mëlçisë dhe sëmundjet e saj, hepatite dhe rigjeneron strukturën e mëlçisë.

Rekomandohet që kura duhet të zgjasë një muaj, maksimumi tre muaj, ndërkohë që dozat kurative duhet të ndërmerren sipas specifikimeve përkatëse.

🇦🇱 Bletaria_Shqiptare🇦🇱

© 2019